Tuesday 4 March 2014

വാർത്തേം കമന്റും - പരമ്പര 3

വാർത്ത 1:- ശബരിമലക്കാട് പ്ലാസ്റ്റിക്ക് വിമുക്തമാക്കാൻ മറ്റ് സംസ്ഥാനങ്ങളിൽ പ്രചാരണം ശക്തിപ്പെടുത്തും.
കമന്റ് :- ഈ സംസ്ഥാനത്തുള്ളവർ എല്ലാം തികഞ്ഞവരായതുകൊണ്ട് ഇവിടെ പ്രചരണത്തിന്റെ ആവശ്യമില്ലെന്ന് വിദഗ്ദ്ധർ !

*********************************

വാർത്ത 2:- ജീവിതത്തിൽ ഇതുവരെ സരിതയെ നേരിട്ട് കണ്ടിട്ടില്ല - അബ്ദുള്ളക്കുട്ടി.
കമന്റ് :- ഒരു നോക്ക് കാണാൻ വേണ്ടിയായിരിക്കും മസ്ക്കറ്റ് ഹോട്ടലിലേക്ക് ക്ഷണിച്ചത്.

*********************************

വാർത്ത 3:- നായരുടെ ആദിമാതാവ് പുലയി.
കമന്റ് :- ആദിനായരുടെ മാതാവിനെ പുലയിപ്പോപ്പ് മാതാവ് എന്ന് വിളിക്കാമോ ?

*********************************

വാർത്ത 4:- കോഴി വളർത്തലിൽ സംസ്ഥാനം സ്വയം പര്യാപ്തത നേടണം - കെ.എം.മാണി.
കമന്റ് :- ബാക്കി എല്ലാം തികഞ്ഞിരിക്കുകയാണല്ലോ ?

*********************************

വാർത്ത 5:- ജയ്പ്പൂർ വിമാനത്താവളത്തിൽ നിന്ന് സ്വർണ്ണ ബിസ്ക്കറ്റ് പിടിച്ചു.
കമന്റ് :- കരിപ്പൂർ വിമാനത്താവളം ജയ്പ്പൂരിലേക്ക് മാറ്റിയോ ?

*********************************

വാർത്ത 6:- ഏറ്റവും വലിയ സ്വർണ്ണ വിപണി എന്ന പദവി ഇന്ത്യയിൽ നിന്നും ചൈന പിടിച്ചെടുത്തു.
കമന്റ് :- ഓ വല്യ കാര്യമായിപ്പോയി. ഞങ്ങൾടെ ഏതെങ്കിലും ഒരു ജില്ലയിലുള്ള പെണ്ണുങ്ങൾ വിചാരിച്ചാൽ അതിങ്ങ് തിരികെ പിടിച്ചെടുക്കാൻ ഒരാഴ്ച്ച മതി.

*********************************

വാർത്ത 7 :- അഴിമതിക്കാർക്കും കഴിവില്ലാത്തവർക്കും സീറ്റ് കൊടുക്കരുത് - കെ.എസ്.യു.
കമന്റ് :- ഇപ്രാവശ്യം ആരും മത്സരിക്കണ്ട എന്നങ്ങ് പറഞ്ഞാപ്പോരേ ?

*********************************

വാർത്ത 8:- മെട്രോ റെയിൽ പൂർത്തിയാകാൻ വൈകും - ഇ.ശ്രീധരൻ
കമന്റ് :- ശ്രീധരൻ സാർ ഒഴികെയുള്ള മലയാളികൾക്കൊക്കെ ഇത് ഒന്നാം ദിവസം തന്നെ അറിയാമായിരുന്നു. സാറ് വിഷമിക്കണ്ടാന്ന് കരുതി ഞങ്ങളാരും പറഞ്ഞില്ലെന്നേയുള്ളൂ.

*********************************

വാർത്ത 9:- ലോകത്തിലെ ഏറ്റവും അപകടകരമായ രാജ്യങ്ങളിൽ ഇന്ത്യയും.
കമന്റ് :- എത്രാം സ്ഥാനമാണെന്ന് കൂടെ അറിഞ്ഞാൽ കൊള്ളാം.

*********************************

വാർത്ത 10:- കൂടുതൽ മലയാളികൾ സിവിൽ സർവ്വീസിലേക്ക് വരണം. - കെ.എം.ചന്ദ്രശേഖരൻ.
കമന്റ് :- ഞങ്ങൾക്ക് താൽ‌പ്പര്യമില്ലാഞ്ഞിട്ടല്ല. പക്ഷെ ചില പരീക്ഷകൾ പാസ്സാകണമത്രേ. ഓരോരോ പുത്യേ നിയമങ്ങളേയ്.


********************************* 

3 comments:

  1. ഫേസ്ബുക്കിൽ പോസ്റ്റ് ചെയ്തത് ഇവിടെയും കോപ്പി ചെയ്തിടുന്നെന്ന് മാത്രം.

    ReplyDelete
  2. വായിച്ചു കൊള്ളാം
    ആശംസകള്‍

    ReplyDelete
  3. Ultimate!! :D
    വാർത്ത 8:- മെട്രോ റെയിൽ പൂർത്തിയാകാൻ വൈകും - ഇ.ശ്രീധരൻ
    കമന്റ് :- ശ്രീധരൻ സാർ ഒഴികെയുള്ള മലയാളികൾക്കൊക്കെ ഇത് ഒന്നാം ദിവസം തന്നെ അറിയാമായിരുന്നു. സാറ് വിഷമിക്കണ്ടാന്ന് കരുതി ഞങ്ങളാരും പറഞ്ഞില്ലെന്നേയുള്ളൂ.

    ReplyDelete

കമന്റുകൾ മോഡറേറ്റ് ചെയ്തിരിക്കുകയാണ്. വായനക്കാർ കമന്റ് പബ്ലിഷ് ചെയ്ത ഉടനെ പോസ്റ്റിനടിയിൽ വരില്ല. അൽ‌പ്പം കാത്തിരിക്കേണ്ടി വരും എന്നറിയിക്കുന്നു. നിരക്ഷരന്റെ അക്ഷരങ്ങളിലൂടെ കടന്നുപോയതിന് നന്ദി.